Cruceiro de Melide

Descripcion

Cruceiro de Melide - Buy Royalty Free 3D model by jorsan75 [4a86768] - Sketchfab Store

Cruceiro de Melide (século XIV). Considerado por moitos estudosos o cruceiro máis antigo da Galiza, sitúase xunto á igrexa de San Roque no centro da vila. A cruz, única peza orixinal do conxunto, representa no anverso a Cristo en Maxestade, sentado no trono, coroado e amosando as lastras das mans. No reverso atopamos a Crucifixión, con Cristo na Cruz e aos seus pés tres figuras, probablemente a Virxe María, a Magdalena e San Xoán. Trátase dunha escena con certo dinamismo, que amosa xa pautas do mundo gótico. Sobre a súa orixe existen diversas hipóteses: Pode tratarse dunha peza reutilizada do retablo da desaparecida igrexa de San Pedro de Melide. Ou tal vez correspóndase cunha cruz do claustro do Convento de “Sancti Spiritus” (fundado a finais do XIV e con cuxos capiteis comparte trazos estilísticos). Finalmente, outra hipótese afirma que pertenceu á desaparecida Ermida de San Sebastián. Fotogrametría: Jorge Santomé. - Cruceiro de Melide - Buy Royalty Free 3D model by jorsan75